Иккинчи кундирки Бекободнинг “Металлург” жамоаси янги мавсум тайёргарлигини Туркиянинг Анталия шаҳрида давом эттирмоқда. Кеча куннинг биринчи ярмида мураббийлар штаби футболчилар билан машғулот залида ишлашди. Тренажер снарядлари ёрдамида жисмоний юкламалар берилди.

Куннинг иккинчи ярмида эса машғулотлар очиқ майдонга кўчди. Бу жараёнда ўйин амалиётини шакллантириш, футболчиларнинг тўп билан ишлашларига кўпроқ урғу қаратилди. Кечки ҳордиқдан кейин эса кейинги кунга куч тўплаб олиш учун вақтлироқ дам олишга киришилди.

Эслатиб ўтамиз, Туркиядаги сафарнинг учинчи кунига – яъни 5 февраль санасига назорат учрашуви режалаштирилган.

“Металлург”нинг спарринг рақиби Украинанинг “Металлист” жамоаси бўлади. Учрашув Туркия вақти билан 17:00 (Тошкент вақти билан 20:00) бошланади.