Londonning “Chelsi” klubi bosh murabbiyi Tomas Tuxel 5 fevral, shanba kuni bo‘lib o‘tadigan “Plimut” bilan Angliya kubogining 4-tur o‘yini oldidan jamoadagi vaziyat haqida gapirdi.
"Bizda Ris Jeyms, Ben Chiluell va Ruben Loftus-CHik yo‘q, ularning barchasi jarohatlangan. Mashg‘ulotlarda Tiago Silva va Kristian Pulishichdan boshqa hamma ishtirok etdi, shuning uchun bu biz uchun yaxshi mashg‘ulot haftasi bo‘ldi. O‘yinga tayyorgarlik ko‘rish uchun bizda to‘rtta mashg‘ulot bo‘lishi juda kam uchraydi. Odatdagidan biroz ko‘proq jismoniy faollik ko‘rsatish yoqimli bo‘ldi", - deya Tuxelning so‘zlaridan iqtibos keltiradi "Chelsi" rasmiy sayti.
