Лондоннинг “Челси” клуби бош мураббийи Томас Тухель 5 февраль, шанба куни бўлиб ўтадиган “Плимут” билан Англия кубогининг 4-тур ўйини олдидан жамоадаги вазият ҳақида гапирди.
"Бизда Рис Жеймс, Бен Чилуэлл ва Рубен Лофтус-Чик йўқ, уларнинг барчаси жароҳатланган. Машғулотларда Тиаго Силва ва Кристиан Пулишичдан бошқа ҳамма иштирок этди, шунинг учун бу биз учун яхши машғулот ҳафтаси бўлди. Ўйинга тайёргарлик кўриш учун бизда тўртта машғулот бўлиши жуда кам учрайди. Одатдагидан бироз кўпроқ жисмоний фаоллик кўрсатиш ёқимли бўлди", - дея Тухелнинг сўзларидан иқтибос келтиради "Челси" расмий сайти.
