Londonning «Tottenxem» bosh murabbiyi Antonio Konte Dele Allining «Everton»ga o‘tishi haqida gapirdi. Unga ko‘ra, bu transfer barcha tomonlar uchun muvaffaqiyatli. Endi futbolchi muntazam o‘yin amaliyotiga ega bo‘lishi muhim.
“Menimcha, Delega yana bir tajriba va yana bir hayot sinovi kerak edi. Bu ikkala jamoa uchun ham, klub uchun ham, futbolchi uchun ham yaxshi qaror edi. U yaxshi yigit va men unga birga ishlaganimiz uchun rahmat aytmoqchiman. Dele va boshqa jamoalarga ijaraga berilgan boshqa o‘yinchilarga omad tilaymiz", - dedi Konte.