“Milan” Italiya A seriyasining 24-turi doirasidagi “Inter”ni mag‘lub etdi. Uchrashuv Milandagi “San-Siro” stadionida bo‘lib o‘tdi va 2:1 hisobida Stefano Pioli shogirdlari foydasiga hal bo‘ldi.
38-daqiqada Xoqon Chalxano‘g‘lining uzatmasidan so‘ng Ivan Perishich burchakdan gol urdi — 1:0.
75-daqiqada Braim Dias jarima maydonchasi chetidan, raqib hududiga uzatma berdi. Olive Jiru to‘pni yaqin masofadan darvozaga yo‘lladi — 1:1
Oradan 3 daqiqa o‘tgach, Jiru jarima maydonchasi o‘rtasida to‘pni qabul qilib oldi va chiroyli tarzda ortga burildi va uzoq burchakka pastdan zarba berib, jamoasining 2-golini kiritdi — 1:2.
Bu gol Pioli jamoasiga g‘alaba keltirdi.
Qo‘shib berilgan vaqtda “rossonerilar” o‘n kishi bilan qolishdi: Teo Ernandes qizil kartochka oldi.
“Inter” (53 ochko) Italiya chempionati turnir jadvalida birinchi o‘rinda bormoqda. “Milan” (52) ikkinchi o‘rindan joy olgan.
“Inter” — “Milan” – 1:2
Gollar: 1:0 – 38 Perishich, 1:1 – 75 Jiru, 1:2 – 78 Jiru.
“Inter” – Xandanovich, Dumfris, de Vrey, Shkrinyar, Bastoni (Darmian, 82), Perishich (Dimarko, 70), Brozovich (Vesino, 82), Chalxanoglu (Vidal, 73), Barella, Jeko, Martines (Sanches, 70).
“Milan” – Menyan, Kalabriya, Romanyoli, Kalulu, Ernandes, Kessie (Braim Dias, 58), Bennaser (Krunich, 80), Salemakers (Junior Messias, 46), Tonali, Jiru, Rafael Leau.
Ogahlantirishlar: Romanyoli (21), Chalxanoglu (60), Braim Dias (72), Bennaser (76), Shkrinyar (84), Krunich (90).
Chetlatish. Teo
