Moskvaning «Lokomotiv» va «Spartak» klublari sobiq hujumchisi Ze Luish faoliyatini Premer-ligada davom ettirishi mumkin, deya xabar beradi Team Talk.
Qayd etilishicha, kabo-verdelik 31 yoshli hujumchining xizmatlariga Londonning «Arsenal» klubi qiziqish bildirgan. Manbaga ko‘ra, Pyer-Emerik Obameyang «Barselona»ga o‘tganidan keyin «to‘pchilar» Ze Luishni unga o‘rinbosar sifatida ko‘rmoqda.
Eslatib o‘tamiz, Ze Luish joriy yilning 13 yanvar kuni har ikki tomonning kelishuviga ko‘ra shartnomani bekor qilib, Moskvaning «Lokomotiv» klubini tark etgan.
