Москванинг «Локомотив» ва «Спартак» клублари собиқ ҳужумчиси Зе Луиш фаолиятини Англия Премьер-лигасида давом эттириши мумкин, дея хабар беради Team Talk.
Қайд этилишича, кабо-верделик 31 ёшли ҳужумчининг хизматларига Лондоннинг «Арсенал» клуби қизиқиш билдирган. Манбага кўра, Пьер-Эмерик Обамеянг «Барселона»га ўтганидан кейин «тўпчилар» Зе Луишни унга ўринбосар сифатида кўрмоқда.
Эслатиб ўтамиз, Зе Луиш жорий йилнинг 13 январь куни ҳар икки томоннинг келишувига кўра шартномани бекор қилиб, Москванинг «Локомотив» клубини тарк этган.