Bugun Angliya kubogi 1/16 final bosqichi doirasida «Tottenxem» Londondagi «Tottenham Hotspur» stadionida «Brayton»ni qabul qildi. O‘yinda mezbonlar g‘alaba qozonishdi - 3:1.

Birinchi bo‘lim boshida hisob ochildi. 13-daqiqada «shporlar» hujumchisi Harri Keyn jamoasini hisobda oldinga olib chiqdi — 1:0.

24-daqiqada «chayqalar» yarimhimoyachisi Solomon March avtogol muallifiga aylandi va London klubi ikki to‘p farqi bilan oldinga chiqib oldi — 2:0.

63-daqiqada «Brayton» yarimhimoyachisi Iv Bissuma hisobidagi farqni qisqartirdi. Oradan 3 daqiqa o‘tib Keyn dubl qayd etdi — 3:1.

Shu tariqa, «Tottenxem» Angliya kubogining 1/8 finaliga chiqdi, «Brayton» esa turnirdagi ishtirokini yakunladi.

«Tottenxem» – «Brayton» — 3:1 (2:0, 1:1)

Gollar: 1:0 – 13 Keyn, 2:0 – 24, avtogol March, 2:1 – 63 Bissuma, 3:1 – 66 Keyn.

«Tottenxem» – Lyoris, Emerson (Doerti, 87), Devis, Sanches, Romero (Rodon, 77), Regilon, Xeybyerg, Uinks (Bentankur, 77), Son Xin Min (Bergveyn, 69), Lukas Moura (Kulusevski, 68), Keyn.

«Brayton» – Sanches, Lempti (Uelbek, 70), Dank, Uebster, Kukurelya, March (Kaysedo, 61), Lallana (Veltman, 46), Gross, Moder (Fergyuson, 79), Bissuma, Mope.

Ogohlantirishlar: Veltman (57), Bentankur (86).