Angliyaning «Kristal Pelas» klubi «Hartlpul» klubi bosh murabbiyi Grem Lining rafiqasi Jemma Li uchun xayriya aksiyasi tashkil qildi.

2 yil oldin Jemmaga operasiya qilib bo‘lmaydigan miya saratoni tashxisi qo‘yilgan. Murabbiyning rafiqasi qabul qiladigan muolaja kursiga oyiga 5000 funt talab etiladi.

Gremning sobiq klublaridagi muxlislari muolaja uchun pul yig‘ishgan.

O‘z navbatida Angliya Kubogi 1/16 finali doirasida o‘zaro o‘yin oldidan «Kristal Pelas» (2:0) ham vaziyatdan xabar topdi. Klub 1000 funt sterling xayriya qildi, shuningdek, ijtimoiy tarmoqlarda Jemmaning davolanishi uchun xayriya qilish haqida yozdi.

Natijada muxlislar hozirgacha 66075 funt sterling yig‘ishdi. Bu miqdor bir yillik davolanish kursi uchun yetarli bo‘ladi.