Англиянинг «Кристал Пэлас» клуби «Ҳартлпул» клуби бош мураббийи Грэм Лининг рафиқаси Жемма Ли учун хайрия акцияси ташкил қилди.

2 йил олдин Жеммага операция қилиб бўлмайдиган мия саратони ташхиси қўйилган. Мураббийнинг рафиқаси қабул қиладиган муолажа курсига ойига 5000 фунт талаб этилади.

Грэмнинг собиқ клубларидаги мухлислари муолажа учун пул йиғишган.

Ўз навбатида Англия Кубоги 1/16 финали доирасида ўзаро ўйин олдидан «Кристал Пэлас» (2:0) ҳам вазиятдан хабар топди. Клуб 1000 фунт стерлинг хайрия қилди, шунингдек, ижтимоий тармоқларда Жемманинг даволаниши учун хайрия қилиш ҳақида ёзди.

Натижада мухлислар ҳозиргача 66075 фунт стерлинг йиғишди. Бу миқдор бир йиллик даволаниш курси учун етарли бўлади.