Londonning "Arsenal" klubi sobiq futbolchisi Martin Kioun "kanonirlar" bosh murabbiyi Mikel Artetani o‘z futbolchilari bilan tortishishni bas qilishga chaqirdi.

Joriy hafta boshida "Arsenal" ichki tartib-intizomga bo‘ysunmagan Pyer-Emerik Obameyang bilan xayrlashdi. Arteta gabonlik futbolchini kechirmadi va sardorlik bog‘ichidan mahrum qilish bilan bir qatorda, jamoaning mashg‘ulotlaridan ham chetlatgandi.

Bu voqea avvalroq Mesut O‘zil va Matteo Genduzilar bilan sodir bo‘lgan voqeani eslatdi. Kiounning fikricha, bunday hatti-harakat bilan Arteta o‘z obro‘siga putur yetkazib olishi mumkin.

"Obameyang bilan xayrlashish haqiqatdan ham "Arsenal"ning manfaatiga mosmi? Meni mana shu narsa qiziqtirmoqda.

Garchi "Arsenal" to‘rtinchi o‘rin uchun kurashayotgan va ushbu o‘rinni qo‘lga kiritish uchun real imkoniyatga ega bo‘lib turgan bo‘lsada, Obameyangni o‘rniga boshqa futbolchi xarid qila olmadi.

Bu O‘zil bilan ro‘y bergan voqeadan sal boshqacharoq. Obameyang bilan shartnoma imzolashni Artetaning o‘zi xohlagan. U gabonlik futbolchining o‘yinlarini baholadi va jamoaga foydasi tegadi deb qaror qildi.

Tuxel qachonlardir Obameyangni tez-tez mashg‘ulotlarga kech qolishi va u bilan boshqacha tarzda gaplashib olgani haqida gapirgandi. Shu sababli, Arteta Obameyang haqida yetarlicha ma’lumotga ega edi. Bundan tashqari, men Arteta futbolchilar bilan tortishib o‘z obyuro‘siga putur yetkazib olishini xohlamayman.

Futbolchilar shu darajada ko‘p urushib qolgan boshqa murabbiyni bilmayman. Ehtimol O‘zil bilan tortishish osondir. Ammo, Genduzi bunday voqealardan keyin ancha o‘sishga erishdi va terma jamoasining asosiy futbolchisidan biriga aylanib oldi.

"Insonlar bilan tortishishda davom etish kerakmas. Siz e’tiroz bildirishingiz mumkin va "Arsenal"ning ba’zi muxlislari chegarani kechib o‘tganingizdan keyin ortga qaytishga yo‘l yo‘qligini aytishlari mumkin. Biroq, Jaka bu chiziqni bir necha marta kesib o‘tdi va hozirgacha jamoada o‘ynashda davom etmoqda", — dedi Kioun talkSPORT bilan suhbatda.