«Chelsi» yarim himoyachisi Meyson Maunt klublar o‘rtasidagi jahon chempionati haqida gapirdi.
«Mehmonxonada kechki ovqatlanayotganimizda Tiago Silva va Jorjinyo bilan Libertadores kubogi finalini tomosha qildim.
Bu ikkisi Braziliyadan, shuning uchun ular bu turnirni juda ko‘p tomosha qilishgan, men oldin bu musobaqani ko‘p o‘yin ko‘rmagan edim. «Palmeyras» g‘alaba qozonishga ishtiyoqi baland bo‘lgan juda tajovuzkor jamoaga o‘xshadi. Ular o‘sha finalda g‘alaba qozonishdi.
Lekin biz ham bu turnirda g‘alaba qozonishni juda xohlaymiz. Klubimiz hech qachon bu musobaqada g‘alaba qozonmagan, shuning uchun bizda ishtiyoq katta», - deya Maunt so‘zlarini keltirmoqda «Chelsi» rasmiy sayti.
Eslatib o‘tamiz, 9 fevral kuni turnirning yarim finalida londonliklar Saudiyaning «Al-Hilol» klubi bilan kuch sinashadi. 8 fevral kuni boshqa yarim finalda Braziliyaning «Palmeyras» va Misrning «Al-Ahli» klublari to‘qnash kelishadi.
