«Челси» ярим ҳимоячиси Мейсон Маунт клублар ўртасидаги жаҳон чемпионати ҳақида гапирди.

«Меҳмонхонада кечки овқатланаётганимизда Тиаго Силва ва Жоржиньо билан Либертадорес кубоги финалини томоша қилдим.

Бу иккиси Бразилиядан, шунинг учун улар бу турнирни жуда кўп томоша қилишган, мен олдин бу мусобақани кўп ўйин кўрмаган эдим. «Палмейрас» ғалаба қозонишга иштиёқи баланд бўлган жуда тажовузкор жамоага ўхшади. Улар ўша финалда ғалаба қозонишди.

Лекин биз ҳам бу турнирда ғалаба қозонишни жуда хоҳлаймиз. Клубимиз ҳеч қачон бу мусобақада ғалаба қозонмаган, шунинг учун бизда иштиёқ катта», - дея Маунт сўзларини келтирмоқда «Челси» расмий сайти.

Эслатиб ўтамиз, 9 февраль куни турнирнинг ярим финалида лондонликлар Саудиянинг «Ал-Ҳилол» клуби билан куч синашади. 8 февраль куни бошқа ярим финалда Бразилиянинг «Палмейрас» ва Мисрнинг «Ал-Аҳли» клублари тўқнаш келишади.