Юлдуз ҳужумчи Неймар Бразилия терма жамоаси сафига қайтмоқда. Бу ҳақда оммавий ахборот воситалари ходимлари билан учрашувда миллий жамоа устози Карло Анчелотти маълум қилди.
«Эртага у якка тартибда машғулот ўтказади, кейин эса умумий гуруҳдаги ишларга қўшилади. У Шотландияга қарши ўйин қайдномасидан жой олади», – деди италиялик мутахассис матбуот анжуманида.
Эслатиб ўтамиз, Неймар Бразилия терма жамоасининг мундиалдаги дастлабки иккита ўйинини ўтказиб юборган эди.
Анчелотти шогирдлари дастлабки учрашувда Марокаш билан 1:1 ҳисобида дуранг ўйнашган бўлса, кейин Гаити устидан ишончли ғалабага (3:0) эришишди. Бразилия ўз гуруҳида пешқадамликни қўлга киритган.
