«Yuventus» himoyachisi Jorjio Kyellini «Verona»ga qarshi o‘yinda (2:0) olgan jarohati sabab jamoaning bo‘lajak o‘yinlarida maydonga tushmaydi, deb xabar beradi La Gazzetta dello Sport.

Manbaga ko‘ra, futbolchi boldiridan jarohat olgan. U 10 fevral kuni «Sassuolo»ga qarshi Italiya kubogi chorak finalini o‘tkazib yuboradi. Shuningdek, u Italiya chempionatining navbatdagi «Atalanta» bilan o‘yinida (13 fevral) maydonga tushmaydi. Uning A seriyadagi «Torino»ga qarshi o‘yinida (18 fevral) va Chempionlar ligasi 1/8 finalida «Vilyarreal»ga (22 fevral) qarshi o‘yindagi ishtiroki ham xavf ostida.

37 yoshli italiyalik himoyachi joriy mavsumda «Yuve» safida barcha turnirlarda 16 ta o‘yinda maydonga tushdi.