«Ювентус» ҳимоячиси Жоржио Кьеллини «Верона»га қарши ўйинда (2:0) олган жароҳати сабаб жамоанинг бўлажак ўйинларида майдонга тушмайди, деб хабар беради La Gazzetta dello Sport.
Манбага кўра, футболчи болдиридан жароҳат олган. У 10 февраль куни «Сассуоло»га қарши Италия кубоги чорак финалини ўтказиб юборади. Шунингдек, у Италия чемпионатининг навбатдаги «Аталанта» билан ўйинида (13 февраль) майдонга тушмайди. Унинг А сериядаги «Торино»га қарши ўйинида (18 февраль) ва Чемпионлар лигаси 1/8 финалида «Вильярреал»га (22 февраль) қарши ўйиндаги иштироки ҳам хавф остида.
37 ёшли италиялик ҳимоячи жорий мавсумда «Юве» сафида барча турнирларда 16 та ўйинда майдонга тушди.
