PSJ yarim himoyachisi Anxel Di Mariyaning kelajagi hamon noaniqligicha qolmoqda.

L’Équipe nashri xabariga ko‘ra, parijliklar 14 fevral kuni 34 yoshga to‘ladigan argentinalik futbolchi bilan hamkorlikni uzaytirmoqchi emas. Yarim himoyachining o‘zi esa yana bir mavsum jamoada qolmoqchi.

Eslatib o‘tamiz, Di Mariyaning PSJ bilan amaldagi shartnomasi shu yozda yakuniga yetadi.

Joriy mavsumda futbolchi fransuz klubi safida 19 ta o‘yinda maydonga tushib, 3 ta gol urdi va 4 ta golli uzatmani amalga oshirdi.