Marko Asensio faoliyatidagi rejalari haqida gapirdi. Ispaniyalik futbolchi hamon “Real” yetakchisi bo‘lishni kutmoqda.
“Men ketish haqida o‘ylamagan edim. Yana bir yil shartnomam bor, o‘zimga ishonchim komil. O‘tgan mavsum qiyin bo‘ldi. Formaga qaytish oson emas. Shu bilan birga keyingi mavsumda ham o‘z salohiyatimga erisha olishimga ishonchim komil. Men shunchaki Marko bo‘lishni emas, undan o‘zib ketishni xohlayman.
Bu vaqt ichida men qilayotgan har bir ishimni qadrlashni o‘rgandim. Maqsadim Madrid va ispan futbolida muhim iz qoldirish.
Murabbiy bilan bir necha bor suhbatlashdim. U menga ishonch berdi. Endi uning talablarini tushunaman”, - deya xulosa qildi Asensio.
