"Arsenal"ning yaponiyalik himoyachisi Takexiro Tomiyasu mushaklaridan olgan jarohatidan forig‘ bo‘ldi va "Vulverxempton" jamoasiga qarshi uchrashuvdan maydonga tushishi mumkin.

Bu haqda "kanonirlar" bosh murabbiyi Mikel Arteta matbuot anjumanida aytib o‘tdi.

"Tomiyasu jamoa bilan birga mashg‘ulot olib bormoqda. O‘ylaymanki, u "Vulverxempton"ga qarshi bo‘ladigan uchrashuvda maydonga tushishi mumkin, biroq, jarohat qaytarilmasligi uchun biz ehtiyot bo‘lishimiz kerak.

Takexiro jamoa o‘yinlarida ishtirok etish uchun mashg‘ulotlarda ko‘p mehnat qilmoqda. U jiddiy raqibga bo‘ladigan o‘yinni intizorlik bilan kutyapti, shu qatorda, biz ham funksional tayyormiz va g‘alaba qozonish uchun bor kuchimizni ishga solamiz", — Artetaning so‘zlaridan iqtibos keltirmoqda "Arsenal" rasmiy sayti.