"Арсенал"нинг япониялик ҳимоячиси Такэхиро Томиясу мушакларидан олган жароҳатидан фориғ бўлди ва "Вулверхэмптон" жамоасига қарши учрашувдан майдонга тушиши мумкин.
Бу ҳақда "канонирлар" бош мураббийи Микель Артета матбуот анжуманида айтиб ўтди.
"Томиясу жамоа билан бирга машғулот олиб бормоқда. Ўйлайманки, у "Вулверхэмптон"га қарши бўладиган учрашувда майдонга тушиши мумкин, бироқ, жароҳат қайтарилмаслиги учун биз эҳтиёт бўлишимиз керак.
Такэхиро жамоа ўйинларида иштирок этиш учун машғулотларда кўп меҳнат қилмоқда. У жиддий рақибга бўладиган ўйинни интизорлик билан кутяпти, шу қаторда, биз ҳам функционал тайёрмиз ва ғалаба қозониш учун бор кучимизни ишга соламиз", — Артетанинг сўзларидан иқтибос келтирмоқда "Арсенал" расмий сайти.