Mundo Deportivo'ning RAC1'ga tayanib xabar berishicha, “Barselona” va onlayn audiostriming xizmati Spotify o‘rtasidagi muzokaralar jarayoni yakuniy bosqichda.
Manbaga ko‘ra, shartnoma imzolangandan so‘ng "Barselona" stadioni "Kamp Nou Spotify" nomiga o‘zgartiriladi.
Klubning nomga bo‘lgan huquqlarni sotishdan oladigan daromadi yiliga taxminan besh million dollarni tashkil qiladi. Qayd etilishicha, stadiondagi ishlar yakunlangach, bu miqdor oshishi mumkin.
Avvalroq kataloniyaliklarning internet-xizmati bilan tuzilgan bitimdan tushgan umumiy daromadi uch yil davomida 280 million yevroni tashkil qilishi xabar qilingandi.
