Mundo Deportivo'нинг RAC1'га таяниб хабар беришича, “Барселона” ва онлайн аудиостриминг хизмати Spotify ўртасидаги музокаралар жараёни якуний босқичда.

Манбага кўра, шартнома имзолангандан сўнг "Барселона" стадиони "Kamp Nou Spotify" номига ўзгартирилади.

Клубнинг номга бўлган ҳуқуқларни сотишдан оладиган даромади йилига тахминан беш миллион долларни ташкил қилади. Қайд этилишича, стадиондаги ишлар якунлангач, бу миқдор ошиши мумкин.

Аввалроқ каталонияликларнинг интернет-хизмати билан тузилган битимдан тушган умумий даромади уч йил давомида 280 миллион еврони ташкил қилиши хабар қилинганди.