"Lester" bosh murabbiyi Brendan Rojers jamoasining joriy mavsumdagi muvaffaqiyatsizliklariga munosabat bildirdi. Murabbiyning so‘zlariga ko‘ra, u jamoasi natijalarni yaxshilashi kerakligini anglash uchun yetarli tajribaga ega.
“Nima bo‘layotganidan xabardor bo‘lish uchun yetarlicha tajribam bor. Yaxshi o‘ynab, g‘alaba qozonsang, bu o‘sishdan dalolat beradi, ammo mag‘lub bo‘lsang, doim tanqid ob’ektiga aylanasiz. Biz natijalarni yaxshilashimiz kerak”, dedi Rojers matbuot anjumanida.
"Lester" joriy mavsumda 26 ochko bilan APL turnir jadvalida 10-o‘rinda bormoqda. Ularni Chempionlar Ligasi zonasidan 14 ochko ajratib turibdi.