"Лестер" бош мураббийи Брендан Рожерс жамоасининг жорий мавсумдаги муваффақиятсизликларига муносабат билдирди. Мураббийнинг сўзларига кўра, у жамоаси натижаларни яхшилаши кераклигини англаш учун етарли тажрибага эга.
“Нима бўлаётганидан хабардор бўлиш учун етарлича тажрибам бор. Яхши ўйнаб, ғалаба қозонсанг, бу ўсишдан далолат беради, аммо мағлуб бўлсанг, доим танқид объэктига айланасиз. Биз натижаларни яхшилашимиз керак”, деди Рожерс матбуот анжуманида.
"Лестер" жорий мавсумда 26 очко билан АПЛ турнир жадвалида 10-ўринда бормоқда. Уларни Чемпионлар Лигаси зонасидан 14 очко ажратиб турибди.
