Turinning “Yuventus” klubi bosh murabbiyi Massimiliano Allegri Italiya kubogi chorak final uchrashuvi oldidan tarkibdagi o‘zgarishlar haqida gapirdi. Murabbiyning so‘zlariga ko‘ra, Leonardo Bonuchchi va Mattia Perin o‘yinni birinchi daqiqalardan boshlashadi.
“Kyellini, Bernardeski va Kindan tashqari barcha futbolchilar uchrashuvga tayyor. Uchrashuvni Bonuchchi va Perin asosiy tarkibda boshlaydi. Yakuniy tarkibga hali qaror qilganim yo‘q, ammo eng yaxshi tanlov qilishga harakat qilaman”, dedi Allegri matbuot anjumanida.
