Туриннинг “Ювентус” клуби бош мураббийи Массимилиано Аллегри Италия кубоги чорак финал учрашуви олдидан таркибдаги ўзгаришлар ҳақида гапирди. Мураббийнинг сўзларига кўра, Леонардо Бонуччи ва Маттиа Перин ўйинни биринчи дақиқалардан бошлашади.
“Кьеллини, Бернардески ва Киндан ташқари барча футболчилар учрашувга тайёр. Учрашувни Бонуччи ва Перин асосий таркибда бошлайди. Якуний таркибга ҳали қарор қилганим йўқ, аммо энг яхши танлов қилишга ҳаракат қиламан”, деди Аллегри матбуот анжуманида.