Argentina olimpiya terma jamoasi yarim himoyachisi Tyago Almada "Veles Sarsfild" jamoasidan Amerikaning “Atlanta” klubiga o‘tdi.
MLS jamoasining rasmiy sayti xabar berishicha, futbolchi bilan shartnoma 2025 yilgacha mo‘ljallangan.
2021 yilning yozida Almada Amerika vizasini olmagani uchun "Atlanta"ga ko‘chib o‘ta olmagandi. Ma’lum bo‘lishicha, o‘shanda klub "Veles" bilan yarim himoyachining transferi borasida kelishib olgandi.
Eslatib o‘tamiz, Almada 2018 yildan beri "Veles Sarsfild"da o‘ynab kelmoqda. "Transfermarkt" portali futbolchining narxini 20 million yevroga baholagan.