Аргентина олимпия терма жамоаси ярим ҳимоячиси Тьяго Альмада "Велес Сарсфилд" жамоасидан Американинг “Атланта” клубига ўтди.
MLS жамоасининг расмий сайти хабар беришича, футболчи билан шартнома 2025 йилгача мўлжалланган.
2021 йилнинг ёзида Альмада Америка визасини олмагани учун "Атланта"га кўчиб ўта олмаганди. Маълум бўлишича, ўшанда клуб "Велес" билан ярим ҳимоячининг трансфери борасида келишиб олганди.
Эслатиб ўтамиз, Альмада 2018 йилдан бери "Велес Сарсфилд"да ўйнаб келмоқда. "Transfermarkt" портали футболчининг нархини 20 миллион еврога баҳолаган.