Fransiyaning "PSJ" klubi o‘z futbolchilariga qancha miqdorda maosh to‘lashi ma’lum qilindi.
L’Équipe nashrining tarqatgan ma’lumotiga qaraganda, parijliklar futbolchilar uchun 136 million yevro bonuslarni hisobga olganda, jami 629 million yevro maosh to‘laydi. Bu Fransiya chempionatida ishtirok etadigan barcha klublarning (1,73 mlrd yevro) maoshlariga sarflangan mablag‘ning 37 foizini tashkil etadi.
629 million yevro – Yevropadagi eng ko‘p maosh sanaladi.
O‘tgan mavsum parijliklar 500 million yevroga yaqin, 2019/20 yilgi mavsumda 414 million yevro, 2018/19 mavsumda esa 370 million yevro sarf qilgandi.
Eslatib o‘tamiz, o‘tgan yilning yozida «PSJ» tarkibini Lionel Messi, Serxio Ramos, Ashraf Xakimi, Janluidji Donnarumma va Jordjinyo Veynaldumlar to‘ldirishgan.