"Barselona" bosh murabbiyi Xavining yordamchisi va akasi Oskar Ernandes La Liganing ikki o‘yinida jamoa bilan birga bo‘la olmaydi.
La Liga rasmiy saytining xabar berishicha, Ernandes "Atletiko Madrid"ga qarshi o‘yinda hakamga jiddiy e’tiroz bildirgani uchun chempionat tartib-intizom qo‘mitasi tomonidan 2 o‘yinga diskvalifikasiya qilindi.
Avvalroq klubning o‘ng qanot himoyachisi Dani Alves ham huddi shuncha o‘yinga diskvalifikasiya qilingandi.