Ilhom Mo‘minjonov bosh murabbiyligidagi "Neftchi" futbol klubi yangi mavsumga tayyorgarlikni uch bosqichda amalga oshirishni rejalashtirgan edi.
Tayyorgarlikning ikkinchi bosqichi Turkiyaning Antalya shahrida o‘tkazildi. O‘z tarkibini qator mohir va tajribali futbolchilar bilan kuchaytirgan jamoa Turkiyada yig‘inlar doirasida Kosovo, Qozog‘iston va Rossiya davlatlarining taniqli jamoalari bilan sinov-nazorat uchrashuvlarini o‘tkazib, tayyorgarlik jarayonining izchil va bo‘sh tomonlarini aniqlab oldi. Farg‘onaliklar 4 ta bellashuvdan 3 tasini durang va bir uchrashuvni g‘alaba bilan yakunlab, bugun Antalya-Toshkent charter reysi orqali yurtimizga qaytib keladi.
Jamoa a’zolariga 14 fevralga qadar qisqa ta’til beriladi. So‘ngra Farg‘onada yangi mavsumga tayyorgarlik jarayoni davom ettiriladi.
