"Tottenxem" hujumchisi Son Xin Min "Sautgempton"ga qarshi o‘yindan so‘ng jurnalistlar bilan suhbatlashdi. Uchrashuv 3:2 hisobida “avliyolar”ning g‘alabasi bilan yakunlandi.
“Men natijadan juda xafaman. Bunday o‘yinlarda, ayniqsa, uyda mag‘lub bo‘lish uyat.
"Sautgempton" agressiv o‘ynashini bilardik. Hamma ochko yo‘qotadi va bugun ijobiy natijaga erisha olmadik.
Kuchli to‘rtlik uchun kurashga keladigan bo‘lsak, boshqa jamoalarga e’tibor bermaslikka harakat qilamiz. Biz o‘z vazifamizni yaxshi bajarib, turnir jadvalida yuqoriga ko‘tarilishimiz kerak”, - deydi Son.
