"Milan" bosh murabbiyi Stefano Pioli Italiya kubogi yarim finalida "Inter"ga qarshi o‘yindan oldingi fikrlari bilan o‘rtoqlashdi.
“Derbida “Inter”ni mag‘lub etish bizga kuch va ishonch bag‘ishladi. Atmosfera juda ijobiy, biz konsentrasiyani yo‘qotmadik va 90 daqiqa davomida o‘yinni nazorat qildik. Bunday uchrashuvlar har doim alohida va muhim, biz tayyorlanamiz. Ikkala klub ham Italiya Kubogida g‘alaba qozonishni istaydi va biz juda kuchli raqibga qarshi bor kuchimiz bilan harakat qilamiz", deya Pioli so‘zlaridan iqtibos keltiradi Football Italia.
Italiya kubogining 2021/2022 yilgi mavsumi 1/4 finali doirasidagi o‘yinda “Milan” o‘z maydonida Rimning “Lasio” klubini qabul qildi. Milandagi “San-Siro” stadionida bo‘lib o‘tgan uchrashuv mezbonlarning 4:0 hisobidagi g‘alabasi bilan yakunlandi.
Shu tariqa, “Milan” Italiya kubogi yarim finaliga yo‘l oldi, Rimning “Lasio”si esa turnirdagi o‘yinini yakunladi. Italiya kubogi 1/2 finalida “Milan” avvalroq “Roma” bilan o‘yinda g‘alaba qozongan (2:0) “Inter” bilan o‘ynaydi.
