"PSJ" hujumchisi Neymar unchalik taniqli bo‘lmagan shaxslar bilan birga boshqalarning bank kartalaridan pul yechib olish bilan shug‘ullangan 20 yoshli firibgarning qurboni bo‘ldi.
The Sun nashrining aniqlik kiritishicha, firibgar boshqa odamlarning kartalariga kirish parollarini qo‘lga kiritgan va bu jarayonlarga ortiqcha e’tiborni qaratmaslikka urinib, ulardan muntazam ravishda kichik miqdordagi pullarni yechib olgan.
Ammo Neymar masalasida futbolchining otasi hisobdan foydalangan, u bir muncha vaqt o‘tgach, g‘alati narsalarni sezgan. Firibgar qanday qilib maxfiy ma’lumotlarni qo‘lga kiritgani haqida ma’lumot berilmagan, biroq nomi ham oshkor etilmagan bank ma’lum xizmatlarni masofadan turib ko‘rsatuvchi "ausorsing" tamoyili bo‘yicha ishlagan xodimlardan gumon qilmoqda.
Hozir jinoyatchi qo‘lga olindi, pullar allaqachon Neymarga qaytarilgan.
