"ПСЖ" ҳужумчиси Неймар унчалик таниқли бўлмаган шахслар билан бирга бошқаларнинг банк карталаридан пул ечиб олиш билан шуғулланган 20 ёшли фирибгарнинг қурбони бўлди.
The Sun нашрининг аниқлик киритишича, фирибгар бошқа одамларнинг карталарига кириш парольларини қўлга киритган ва бу жараёнларга ортиқча эътиборни қаратмасликка уриниб, улардан мунтазам равишда кичик миқдордаги пулларни ечиб олган.
Аммо Неймар масаласида футболчининг отаси ҳисобдан фойдаланган, у бир мунча вақт ўтгач, ғалати нарсаларни сезган. Фирибгар қандай қилиб махфий маълумотларни қўлга киритгани ҳақида маълумот берилмаган, бироқ номи ҳам ошкор этилмаган банк маълум хизматларни масофадан туриб кўрсатувчи "ауцорсинг" тамойили бўйича ишлаган ходимлардан гумон қилмоқда.
Ҳозир жиноятчи қўлга олинди, пуллар аллақачон Неймарга қайтарилган.
