"Liverpul" bosh murabbiyi Yurgen Klopp hujumchi Sadio Mane APLning 25-turida "Byornli"ga qarshi o‘ynay olishini tasdiqladi.
“Bugun Sadio mashg‘ulotlarni davom ettiradi. Men u umumiy guruhda bo‘lishiga ishonaman. Mashg‘ulotlardan so‘ng uning holatidan kelib chiqib bir qarorga kelamiz. Albatta, u o‘zini yaxshi his qilmoqda, ammo biz uning jismoniy holatini tekshirishimiz kerak”, - deya Kloppning so‘zlarini keltiradi mersisaydliklar klubi rasmiy sayti.
Mane Afrika Millatlar Kubogidagi ishtiroki sababli yanvar oyi boshidan beri “Liverpul” o‘yinlarida ishtirok etmayapti. Hujumchi Senegal terma jamoasi tarkibida turnir g‘olibiga aylandi.
"Byornli" - "Liverpul" o‘yini 13 fevral kuni bo‘lib o‘tadi.
