"Ливерпуль" бош мураббийи Юрген Клопп ҳужумчи Садио Мане АПЛнинг 25-турида "Бёрнли"га қарши ўйнай олишини тасдиқлади.
“Бугун Садио машғулотларни давом эттиради. Мен у умумий гуруҳда бўлишига ишонаман. Машғулотлардан сўнг унинг ҳолатидан келиб чиқиб бир қарорга келамиз. Албатта, у ўзини яхши ҳис қилмоқда, аммо биз унинг жисмоний ҳолатини текширишимиз керак”, - дея Клоппнинг сўзларини келтиради мерсисайдликлар клуби расмий сайти.
Мане Африка Миллатлар Кубогидаги иштироки сабабли январ ойи бошидан бери “Ливерпуль” ўйинларида иштирок этмаяпти. Ҳужумчи Сенегал терма жамоаси таркибида турнир ғолибига айланди.
"Бёрнли" - "Ливерпуль" ўйини 13 феврал куни бўлиб ўтади.
