Kataloniyaning “Barselona” klubi yozda jamoaning asosiy darvozaboni Mark-Andre ter Shtegenga raqobatchi sotib olmoqchi, deb xabar beradi Mundo Deportivo.
Manbaga ko‘ra, germaniyalik darvozabonga raqobatchi sifatida “Lids Yunayted” kiperi Illan MeslYE, “Fiorentina” posboni Bartlomey Drongovski, “Sevilya” darvozaboni Bono va “Nant” kiperi Alban Lafon kabi futbolchilar nomzodi ko‘rsatilgan.
29 yoshli germaniyalik darvozabon 2014 yildan beri "Barsa"da to‘p surmoqda. Futbolchining klub bilan shartnomasi 2025 yilning iyuniga qadar mo‘ljallangan. Transfermarkt ma’lumotlariga ko‘ra, futbolchining bozor qiymati 45 million yevroni tashkil qiladi.
Ter Shtegen joriy mavsumda La Ligada 20 ta o‘yinda maydonga tushib, 22 ta gol o‘tkazib yuborgan.
