Каталониянинг “Барселона” клуби ёзда жамоанинг асосий дарвозабони Марк-Андре тер Штегенга рақобатчи сотиб олмоқчи, деб хабар беради Mundo Deportivo.
Манбага кўра, германиялик дарвозабонга рақобатчи сифатида “Лидс Юнайтед” кипери Иллан Меслье, “Фиорентина” посбони Бартломей Дронговски, “Севилья” дарвозабони Боно ва “Нант” кипери Альбан Лафон каби футболчилар номзоди кўрсатилган.
29 ёшли германиялик дарвозабон 2014 йилдан бери "Барса"да тўп сурмоқда. Футболчининг клуб билан шартномаси 2025 йилнинг июнига қадар мўлжалланган. Трансфермаркт маълумотларига кўра, футболчининг бозор қиймати 45 миллион еврони ташкил қилади.
Тер Штеген жорий мавсумда Ла Лигада 20 та ўйинда майдонга тушиб, 22 та гол ўтказиб юборган.
