Yangi mavsum tayyorgarligini Turkiyadagi o‘quv-mashg‘ulot yig‘ini orqali davom ettirayotgan “Navbahor” bugun Qozog‘istonning Almati shahri sharafini himoya qiluvchi “Qayrat” jamoasiga qarshi nazorat-sinov o‘yini o‘tkazib, 1:0 hisobida g‘alaba qozondi. Yagona gol 78-daqiqada hujumchimiz Zoran Marushich hisobiga yozildi. “Qayrat” jarima maydonchasi ichida raqib himoyachilaridan chaqqonroq harakat qilgan futbolchi bosh bilan darvozani ishg‘ol qildi.

Nazorat o‘yini
“Navbahor” (Namangan) – “Qayrat” (Almati) – 1:0 (0:0)
Gol: Zoran Marushich (78).
“Navbahor”: O‘tkir Yusupov, Boyan Siger, Igor Golban, Davronbek Hoshimov, Stanislav Andreev, Yovan Jokich, Azimjon Ahmedov, Nurillo To‘xtasinov, Elguja Grigalashvili, Jamshid Iskanderov, Zoran Marushich.

Zaxiradan maydonga tushganlar: Asad Sobirjonov, Islom Kenjaboyev, Jamshid Boltaboyev.

Shu tariqa “Navbahor” Turkiyadagi yig‘in davomida Qozog‘istonning yana bir jamoasi ustidan zafar quchdi. Eslatib o‘tamiz, 8 fevral kungi bahsda Uralskning “Akjayik” jamoasi Azimjon Ahmedovning goli evaziga taslim etilgandi.
Rejaga ko‘ra, “lochinlar” navbatdagi o‘rtoqlik o‘yinini 16 fevral kuni Rossiyaning “Ximki” klubiga qarshi o‘tkazishadi.

“Navbahor” PFK matbuot xizmati.