Turkiyaning Antaliya shahrida yangi mavsumga tayyorgarlik ko‘rayotgan “Metallurg” jamoasi uchinchi nazorat uchrashuvini o‘tkazdi.
Bu safar bekobodliklar to‘rt karra Armaniston chempioni – “Alashkert” jamoasi bilan kuch sinashdi va kichik hisobda imkoniyatni boy berdi. Qiziqarli va murosasiz tarzda o‘tgan o‘yin taqdirini ikkinchi taym o‘rtasida armanistonliklar tomonidan kiritilgan yagona gol hal etdi – 0:1.
Bekobodliklar darvozaboni Akmal Ortiqov yana uch-to‘rt vaziyatda jamoasi joniga oro kirdi. "Metallurg" da ham gol kiritish imkoniyati bo‘ldi. Biroq vaziyatlardan futbolchilar foydalana olishmadi. Biroz betob bo‘lgan Salamat Quttiboyev hamda darvozabonlardan tashqari barcha o‘yinchilarga Luisma Ernandes maydonga tushish imkoniyatini berdi.
Nazorat uchrashuvi
12.02.2022 yil
“Metallurg” (O‘zbekiston) - “Alashkert” (Armaniston) – 0:1
“Metallurg”: Akmal Ortiqov, Xudoyshukur Sattorov, Odilbek Abdumajidov, Muhammadali Aliqulov, Farrux Ibrohimov, Ergash Ismoilov, Ixtiyor Toshpo‘latov, Muhammad Isayev, Fozil Musayev, Shohnazar Norbekov, Zohid Abdullayev.
Zaxira: Aleksandr Lobanov, Hakimxon Alamxonov, Abbos Otaxonov, Abrorbek Toshqo‘ziyev, Farxod Bekmurodov, Damir Temirov, Ibrohim Ibragimov, Salamat Quttiboyev, Zabixillo O‘rinboyev, Shahzodbek G‘ofurbekov, Jasur Ashurov, Shahzodjon Ne’matjonov.
Bosh murabbiy: Luisma Ernandes.
