«Liverpul» bosh murabbiyi Yurgen Klopp bir necha kun oldin Senegal terma jamoasi bilan Afrika Millatlar Kubogida g‘olib chiqqan yarim himoyachi Sadio Mane haqida gapirdi.

«Mane jahon darajasidagi super o‘yinchi, ammo uning klub va termadagi mas’uliyati umuman boshqa.

Afrika kubogi - bu katta turnir, bu uning hayotidagi eng muhim turnir. Sadio Senegaldagi barcha davrlarning asosiy afsonalaridan biriga aylandi va bunga u munosib.

Uning yelkasida juda katta bosim bor edi. Men odatda bosim bilan bog‘liq muammolarga duch kelmayman, lekin u penaltini tepish uchun borganida, bu uning hayotidagi haqiqatan ham qiyin palla deb o‘yladim. Men bundan juda ham ta’sirlandim», — deydi Klopp.