Tomas Tuxel "Chelsi"da bir yildan sal ko‘proq vaqtdan beri ishlamoqda. Shu vaqt davomida nemis mutaxassisi “aristokratlar” bilan Chempionlar ligasi va klublar o‘rtasidagi jahon chempionatida g‘alaba qozonishga muvaffaq bo‘ldi. APLga kelsak, London klubi joriy mavsumda chempionlik uchun kurashish imkoniyati deyarli yo‘q. Ular peshqadam “Manchester Siti”dan 16 ochko ortda qolmoqda.
"Chelsi" kelasi mavsumda chempionlik uchun jiddiy kurash olib borishini kutilmoqda. Buning uchun klub rahbariyati Tomas Tuxelga yozgi transferlar uchun kattagina pul ajratadi, deb yozadi The Telegraph nashri.
“Chelsi” so‘nggi bor 2016/2017 yilgi mavsumda Antonio Konte boshchiligida Angliya chempioniga aylangandi. O‘shandan beri “Manchester Siti” uch marta, “Liverpul” esa bir marta APL chempionligini qo‘lga kiritdi.
