Томас Тухель "Челси"да бир йилдан сал кўпроқ вақтдан бери ишламоқда. Шу вақт давомида немис мутахассиси “аристократлар” билан Чемпионлар лигаси ва клублар ўртасидаги жаҳон чемпионатида ғалаба қозонишга муваффақ бўлди. АПЛга келсак, Лондон клуби жорий мавсумда чемпионлик учун курашиш имконияти деярли йўқ. Улар пешқадам “Манчестер Сити”дан 16 очко ортда қолмоқда.
"Челси" келаси мавсумда чемпионлик учун жиддий кураш олиб боришини кутилмоқда. Бунинг учун клуб раҳбарияти Томас Тухелга ёзги трансферлар учун каттагина пул ажратади, деб ёзади The Telegraph нашри.
“Челси” сўнгги бор 2016/2017 йилги мавсумда Антонио Конте бошчилигида Англия чемпионига айланганди. Ўшандан бери “Манчестер Сити” уч марта, “Ливерпуль” эса бир марта АПЛ чемпионлигини қўлга киритди.
