"Leypsig" yarim himoyachisi Kristofer Nkunku Konogo DR terma jamoasida o‘ynash uchun taklif oldi. Ammo fransiyalik futbolchi bu taklifni rad etdi, deb xabar beradi Bild.

U Fransiyaning turli yosh toifalaridagi yoshlar terma jamoalarida o‘ynagan, ammo Fransiyaning asosiy jamoasi bosh murabbiyi Didye Desham futbolchini birorta ham xalqaro yig‘inga taklif qilmagan.

2021/22-yilgi mavsumda Nkunku “Leypsig” safida 30 ta o‘yinda maydonga tushib, 18 ta gol va 13 ta golli uzatmani amalga oshirgan. Transfermarkt portali 24 yoshli fransiyalik futbolchini 55 million yevroga baholamoqda.