"Лейпциг" ярим ҳимоячиси Кристофер Нкунку Коного ДР терма жамоасида ўйнаш учун таклиф олди. Аммо франциялик футболчи бу таклифни рад этди, деб хабар беради Bild.
У Франциянинг турли ёш тоифаларидаги ёшлар терма жамоаларида ўйнаган, аммо Франциянинг асосий жамоаси бош мураббийи Дидье Дешам футболчини бирорта ҳам халқаро йиғинга таклиф қилмаган.
2021/22-йилги мавсумда Нкунку “Лейпциг” сафида 30 та ўйинда майдонга тушиб, 18 та гол ва 13 та голли узатмани амалга оширган. Трансфермаркт портали 24 ёшли франциялик футболчини 55 миллион еврога баҳоламоқда.
