"Chelsi" va "Barselona" "Yuventus" himoyachisi Matiys de Ligtni qo‘lga kiritish uchun kurash olib boradi, deb xabar beradi Calciomercato nashri.

22 yoshli gollandiyalikning Turin klubi bilan shartnomasi 2024 yilda tugaydi va futbolchi va uning agenti Mino Rayola bilan shartnomani uzaytirish bo‘yicha muzokaralar muvaffaqiyatsizlikka uchrasa, "byankoneri" futbolchini shu yozda sotishni ko‘rib chiqadi.

"Barselona" De Ligt uchun 75 million yevro taklif qilmoqchi, biroq "Chelsi" bundan ham ko‘proq taklif qilishi mumkin, chunki "ko‘klar" bosh murabbiyi Tomas Tuxel markaziy himoyachi bilan shartnoma imzolamoqchi ekanligini aytgan.