"Челси" ва "Барселона" "Ювентус" ҳимоячиси Матийс де Лигтни қўлга киритиш учун кураш олиб боради, деб хабар беради Calciomercato нашри.

22 ёшли голландияликнинг Турин клуби билан шартномаси 2024 йилда тугайди ва футболчи ва унинг агенти Мино Райола билан шартномани узайтириш бўйича музокаралар муваффақиятсизликка учраса, "бьянконери" футболчини шу ёзда сотишни кўриб чиқади.

"Барселона" Де Лигт учун 75 миллион евро таклиф қилмоқчи, бироқ "Челси" бундан ҳам кўпроқ таклиф қилиши мумкин, чунки "кўклар" бош мураббийи Томас Тухель марказий ҳимоячи билан шартнома имзоламоқчи эканлигини айтган.