Italiyalik mashhur murabbiy Fabio Kapello “Roma” ustozi Joze Mourinyoni tanqid qildi. Avvalroq Mourinyoning kiyinish xonasida o‘z jamoasi o‘yinchilariga gapirgan nutqi matbuotda tarqalib ketgan edi.
“Men hech qachon o‘z futbolchilarimni Mourinyo kabi haqorat qilmaganman. Men uni hurmat qilishga harakat qildim. Ammo, endi bunday bo‘lmaydi. Futbolchilardan talab qilish kerak, lekin shu bilan birga ularning hurmatini ham joyiga qo‘yish kerak. Hurmat mening birinchi raqamli qoidam bo‘lgan.
Agar Mourinyo kabi futbolchilaringizni haqorat qilsangiz, ularga ma’naviy zarar yetkazasiz. Buni hisobga olish kerak”, deydi Kapello.