Италиялик машҳур мураббий Фабио Капелло “Рома” устози Жозе Моуриньони танқид қилди. Аввалроқ Моуриньонинг кийиниш хонасида ўз жамоаси ўйинчиларига гапирган нутқи матбуотда тарқалиб кетган эди.
“Мен ҳеч қачон ўз футболчиларимни Моуриньо каби ҳақорат қилмаганман. Мен уни ҳурмат қилишга ҳаракат қилдим. Аммо, энди бундай бўлмайди. Футболчилардан талаб қилиш керак, лекин шу билан бирга уларнинг ҳурматини ҳам жойига қўйиш керак. Ҳурмат менинг биринчи рақамли қоидам бўлган.
Агар Моуриньо каби футболчиларингизни ҳақорат қилсангиз, уларга маънавий зарар етказасиз. Буни ҳисобга олиш керак”, дейди Капелло.
